மாயாவதி‍யிடம் தோற்ற மு.க + ஜெ.ஜெ!!

Category :

அம்மாடி....சகோதரி மாயாவதி என்ன பாய்ச்சல்.....பாய்ந்திருக்கிறார்.
சில அப்பாவி தொண்டர்கள் புளகாங்கிதம் அடைகிறார்களாம்..
நம்ம‌ ஜாதி பெண்,கோடீஸ்வரி ஆகி விட்டாரே என....

என்ன சாதனை செய்திருக்கிறார்....?அவரின் சொத்து மதிப்பு ரூ.52கோடியாம்.நம்ம ஜெவையும்,கலைஞரையும் ஒரே கல்லில் வீழ்த்தியிருக்கிறார்.இந்த சொத்து விபரத்தை அவரே உத்திர பிரதேச மேலவை தேர்தல் வேட்புமனுவில் தெரிவித்திருக்கிறார்.
மாயாவதி அவர்கள் 2004 மக்களவை தேர்தல் நடந்த போது இருந்த சொத்து மதிப்பு 11 கோடி.ஆனால் இதை 52.5 கோடியாக மாற்றி சாதனை
புரிந்துள்ளார் மாயாவதி....ஆகா என்ன வளர்ச்சி.....உ.பி நன்றாக
முன்னேறி இருப்பதை புரிந்து கொள்ளமுடிகிறது.

மாயாவதி சொல்கிறார்..,என் தொண்டர்கள்,நலம் விரும்பிகள் அனுப்பிய‌ பணத்தில் தான் இந்த சொத்துகளை வாங்கினேன்.அவர்கள் என்னை கோடீஸ்வரியாக பார்க்க விரும்புகிறார்கள்.ஆகா...என்ன தத்துவம் புல்லரித்து போகிறது.

சகோதரியே,அடித்தட்டு தொண்டன் அன்றாடங்காச்சியாக இருந்தாலும்...அவனின் பெரிய மனசை பாருங்கள்.அதுவும் வர்த்தக கட்டிடங்களாகவே வாங்கி குவித்துள்ளீர்.நாங்கள் மகிழ்ச்சியில் திளைத்தோம்,நீங்கள் அரியணை ஏறியபோது.ஒடுக்கப்பட்ட இனம்...உயரே வளரப்போகிறது என.ஆனால் வளர்ந்தது,உங்கள் மாளிகையும்,
வர்த்தக கட்டிடங்களின் உயரமும் தான்.

இதோ சகோதரி மாயாவதி அளித்த‌ சொத்து ப‌ட்டிய‌ல்:

அ.சொந்த‌ கார்‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍===========இல்லை
ஆ.கை மேல‌‍============50.27 ல‌ட்ச‌ம்
இ.வங்கி வைப்பு நிதி=====12.88 ல‌ட்ச‌ம்
ஈ.த‌ங்க‌ ந‌கை=============50.87 ல‌ட்ச‌ம்
உ.வைர‌ ந‌கை============49.75 ல‌ட்ச‌ம்
ஊ.வெள்ளி===============1.12 ல‌ட்ச‌ம்(சாப்பாட்டு சாத‌ன‌ம்)
எ.க‌ன்னாட் பிளேஸ்
வ‌ர்த்த‌க‌ வ‌ளாக‌ம்==========2.05 கோடி+1.27 கோடி (ரெண்டு)
ஏ.ல‌க்னோ வீடு===========97.42 ல‌ட்ச‌ம்
ஐ.ஒக்லா வ‌ளாக‌ம்=========15.5 கோடி

இத்த‌னைக்கும் மாயாவ‌தி சாதார‌ன‌ ஏழைக் குடும்ப‌த்தில் பிறந்த‌வ‌ர்.ஆசிரிய‌ராக‌ இருந்து,அர‌சிய‌லுக்கு வ‌ந்த‌வ‌ர்....க‌ன்ஷிராம் அவ‌ர்க‌ளின் உத‌வியினால் உல‌குக்கு அறிமுக‌மான‌வ‌ர்.

எங்க‌ள் முத‌ல்வ‌ர் க‌லைஞ‌ர் ,எழுதி ச‌ம்பாதித்த‌து என்பார்..சொத்து=26.5கோடி
முன்னாள் முத‌ல்வ‌ர் ஜெ.ஜெ ந‌டித்து ச‌ம்பாதித்த‌து என்பார்..சொத்து=24.6 கோடி இது மாதிரி,நீங்களும் சொல்ல‌லாம் எதிர்காலத்தில்,
நான் டியுச‌ன் ந‌ட‌த்தி ச‌ம்பாதித்த‌து என‌.

ஓட்டுப் பெட்டிக‌ள் தான் இங்கு நிறைய‌ உள்ள‌னவே,ஏமாறுவ‌த‌ற்கு???
வாழ்க‌ ஜ‌ன‌நாய‌க‌ம்.....அல்ல, ப‌ண‌ நாய‌க‌ம்.!!

2 comments:

Siva said...

Ayyaa

enna ellorum onna yoosittal neenga UP poorenga?

முகு said...

சிவா,

உங்கள் கருத்தை புரியும்படி எழுதினால் நன்றாக‌
இருக்கும்.

நன்றி!

அன்புடன்,
முகு

Post a Comment

கருத்தைப் பகிர: