வடமலை ‍= தன்னம்பிக்கை நாயகன்

Category :

ஆம்.இன்று (16-03-2019) நம்மிடமிருந்து பிரிந்துவிட்டார், ஆனால் அவரின்
நினைவுகள் என்றென்றும் நம்மிள் உயிர் வாழும்.

உழைப்பின் இலக்கணம் அவர்...தேனீ போல் உழைப்பவர்,உழைத்தவர். ஆம், அவர் என்னுள்ளும் கிரியா ஊக்கியாய் ....இளையோருக்கு பாடமாய்....

அவர் அதிகாலையில் 4.00மணிக்கு தன் "சைக்கிள்" ல் வித்தியாசமான் மணியுடன் கூத்தப்பாக்கம் மெயின் ரோட்டில் அனைவரையும் எழுப்பிவிடுவார்...அந்த சைக்கிள் தேவனாம்பட்டினம் கடற்கரை சென்று திரும்பும். அப்போதே என்னுடன் பேசும்போது நம்பிக்கை விதைகளை விதைத்தவர் அவர்.

1980 களில் அவர் கடலூர் "செல்லமய்யர் துணிக்கடை"யின் நாயகன் அவர். முதலாளிக்கு எல்லாமாக இருந்தவர்...அவ்வளவு விசுவாசி.
வியாபாரத்தை வித்தியாசமாக செய்தவர். பின்னர் கால சுழற்சியால், துணி வியாபாரம் படுத்தவுடன், "பாண்டியன் டயர்ஸ்" ல் சேர்ந்து ஊர் , ஊராய் சுற்றினார்... டயர் ரீட்ரெட் வியாபாரம் செய்ய....பெரிய டயர்களை கூட அசால்டாக உருட்டிச் செல்வார்.

அங்கும் உழைப்பு, உழைப்பு...முதலாளிக்கு நல்ல லாபம் ஈட்டித்தந்தார்.

பின்னர் உடல் நலன் குன்றி, வீட்டிலேயே அடைபட்டு இருக்க வேண்டிய‌ நிலையிலும், நம்பிக்கையால் வெற்றி கண்டவர்.

போன வருடம் விடுமுறை‍யில், அவர் வீட்டுக்கு சென்று பேசிய நிகழ்வு இன்னும் என் நெஞ்சில்...

அவர் மறையவில்லை...நம்பிக்கைகள் அழிவதில்லை.வடமலை , ஓர் மாமனிதன். அவர் என்றும் வாழ்வார்.

நட்புக் கூட்டம்‍-2018

Category :

30 வருடங்களுக்கு பிறகு  நண்பர்கள் சந்திப்பு நேற்று (30-12-2018) கடலூர்‍- ல்
நடந்தேறியது. சுமார் 22 கல்லூரி நண்பர்கள் கலந்து கொண்டனர்.

நான் பாலைவன தேசத்தில் பணிபுரிவதால் கலந்து கொள்ள இயலவில்லை.
மற்ற நண்பர்கள் வெகு தூரத்தில் இருந்தும் வந்திருந்தனர்.

நெகிழ்ச்சியின் உச்சகட்டத்தில் உரையாடல்கள்...இருக்காதா பின்னே, 30
வருடம் கொஞ்ச காலமல்ல...

சில மாதங்களுக்கு முன் தான் புதுப்பிக்கப்பட்ட உறவு அது, ஆனால் அதன்
வலிமை நேற்று தான் தெரிந்தது.

நட்பு " உறவினை" விட மீண்டும் புரிந்தது. நிறைய நண்பர்கள் டாக்டர், எஞ்சினியர்,அரசுப்பணி,தொழிலதிபர் என பலப்பல...

நண்பேன்டா....!!!

திரும்பிக் பார்க்கிறேன் 2015?

Category :


365 நாட்கள் ஓடி விட்டன. நாளை புது வருடம் ஆரம்பமாகிறது.
இந்த ஒரு வருடத்தில் நான் என்ன செய்தேன், சாதித்தேன் எனத்
தேடுகிறேன்.

குடும்பம், உறவுகள் மற்றும் நண்பர்கள் என்ற வட்டத்தில் நான் சுற்றி வந்துள்ளது புரிகிறது.
டாஸ்மாக், வெள்ளம் மற்றும் கடைசியாக “த்தூ” வரை ஒடி விட்டது.
சமுதாயத்திற்கு என்ன செய்தேன் என்ற கேள்விக்கு விடை இல்லை.
ஒரு சில ஆயிரம் வெள்ள நிதி கொடுத்ததை மீறி சொல்லிக்கொள்வதற்க்கு
ஒன்றும் இல்லை.


2016-ஆம் ஆண்டில் சாதாரணத்தை மீறி சாதிக்க வேண்டும்.(எதையாவது)

கடலூரின் 20,000 கோடி கனவு - நாகார்ஜுனா ஆயில் கார்ப்பரேசன்?

Category : ,

நாகார்ஜுனா நிறுவனத்திலிருந்து நான் விலகி, இரண்டு மாதம் ஆகிவிட்டது. நாகார்ஜுனா சுத்திகரிப்பு நிறுவனத்தால் (Nagarjuna Oil Corporation Limited) கடலூர் மாறப்போகிறது, கடலூர் மக்கள் பயன் பெறப்போகிறார்கள் என்ற நம்பிக்கை இன்னமும் இருக்கிறது. ஒரு அருமையான திட்டம் காலதாமதத்தினால்  ஏராளமானோர் நொந்து போய் உள்ளனர்.


கட்டுமானப்பணி, நிறுவனப் பணிகள், பாதியிலேயே நிற்பதினால் எதிர்காலமே கேள்விக்குறியாக உள்ளது. இதில் பணிபுரியும் பொறியாளர், மற்றும் நிர்வாக பணியாளர்கள் வெளியேறிய வன்னம் உள்ளனர்.


கடந்த 14 வருடங்களாக இதோ, அதோ வந்துவிடும், இன்னும் சில மாதங்களில் வந்துவிடும் என்ற நம்பிக்கையில்  காலம் சென்று கொண்டிருக்கிறது.
இதன் சிறப்பம்சமே, இதன் அமைப்புத்தான், கடலோரத்தில் அனைத்து வசதிகளுடன் இருக்கும் ஒரு அருமையான நில வடிவமைப்பு.நெய்வேலிக்கு அடுத்தபடியாக அதிக
பணியாளர்களைக் கொண்ட நிறுவனமாக இது உருவாகலாம்.


இங்கு சுத்திகரிக்கப்படும் கச்சா எண்ணெய் மூலம் டீசல், பெட்ரோல், சமையல் வாயு(LPG) சுற்றி உள்ள அனைத்து மக்களுக்கும் உடனடியாக கிடைக்க இயலும்.


இன்னும் காலம் கடந்தால் , நிறைய இழப்பு ஏற்படும்…..கடலூர் காத்துக் கொண்டிருக்கிறது.

படம் உதவி:கூகுள், www.nocl.co.in & www.hydrocarbons-technology.com


11ஆவது உலகத் தமிழ் இணைய மாநாடு-ஒரு பார்வை

Category :



30-12-2012 அன்று  காலை சிதம்பரம் "அண்ணாமலைப் பல்கலைக்கழக" அரங்கில் நுழைந்தவுடன், சிறு அதிர்ச்சி உண்டானது. காரணம்  அரங்கில் சுமார் 50 பேர் தான் இருந்தனர். அதில் விற்பனையாளர்களும் அடங்கும். விழாவில் சுமார் 1000பேராவது இருப்பார்கள் என நம்பி இருந்தேன்.



இணையத் தமிழனின் நேரடிப் பங்களிப்பு ஏன் இல்லை என்ற கேள்விக்கு பதில் அளிப்பது மிக கடினம்.

அண்ணாமலைப் பல்கலைக்கழகம் சரிவர ஏற்பாடுகளைச் செய்யவில்லை என்றே தோன்றுகிறது.சரியான அளவில் விளம்பரப்படுத்தப் படவில்லை. மாணவர்களின் பங்களிப்பும் இல்லை.

அரங்கில் பார்வையாளர்களின் எண்ணிக்கையும் மிக குறைவே.

மக்கள் கூடத்தில் 30-12-2012 அன்று காலையில் நடைபெற்ற நிகழ்வில்'' விக்கி காமன்சு" பற்றி தமிழ்ப்பரிதி அவர்கள் விளக்கமளித்தார். நல்ல தகவல்களை அறிய முடிந்தது.

அடுத்த மாநாட்டையாவது , மக்கள் பங்களிக்கும் வகையில் அமைத்தால் உபயோகமாக இருக்கும்.

சிற்பி இராசன் அவர்களின் "சிறப்பு விழா"....

Category :



இந்த வருடமும் சிற்பி அவர்களின் பிறந்த நாள் விழா (25-12), அவரின்

அன்பு தோழர்களினால் புதுவை அருகில் அமைந்துள்ள‌ "ஆரோவில்" நகரில் நடத்தப்பட்டது.



சிறப்பு விருந்தினராக "தந்தை பெரியார் திராவிடர் கழகத்தின் பொதுச் செயலாளர் தோழர் இராமகிருட்டிணன் கலந்து கொண்டார்.



புதுவை நகர தோழர்கள் பலரும் கலந்து கொண்டனர். மதிய உணவு அறுசுவையுடன் பரிமாறப்பட்டது. பின்னர் சிற்பி அவர்களின் மந்திரவித்தை "மேஜிக்" நிகழ்ச்சி நடைபெற்றது.



நிகழ்வு முழுநாளும் இனிமையான முறையில் நடந்தேறியது.தோழர்கள் அனைவரும் சிற்பி இராசனின் மக்கள் பணி சிறக்க வாழ்த்தினர்.

மதுரை ஆதினம் ஆனார் சி.டி சாமியார்!

Category :

நித்யானந்தா சாமியார் தற்போது மதுரை ஆதினத்தின் மகா சந்நிதானம் ஆக ஆக்கப்பட்டுள்ளது பலருக்கு
அதிர்ச்சியும், ஆச்சரியமும் ஏற்பட்டிருப்பது உண்மை.


ஒரு குற்றப் பிண்ணனி கொண்டிருப்பவரை ஏன்
நியமனம் செய்தனர் எனப் புரியவில்லை.

கூடிய சீக்கிரம் தகவல் வரும் என நம்பலாம்.


தமிழினம் வெட்கி தலைகுனிய வைத்திருக்கிறார்கள்.